作死3姊妹的《福山雅治 WE'RE BROS. TOUR 2014 IN 香港》之旅 ~ 好犀利呀!

今天, 距離福山雅治演唱會的香港站已差不多一個月, Post Concert Sydrome (PCS) 仍未散退, 何以解毒? 唯有看《WE'RE BROS. TOUR 2007》DVD, 怎料越發嚴重, 不可收拾, 處於Hyper狀態來寫這篇觀後感, 以下內可能東拉西扯, 雜亂無章, 語無倫次......敬希各位看得懂啦!

現在, 先讓時間線推回一年前: Masha去年六月尾來港宣傳《神探伽俐略2: 真夏方程式 (Midsummer's Equation)》時, 說過會盡快以歌手身份來港舉行演唱會, 當時以為只是說說而已, 但仍然會有所盼望, 是頗遙遠的盼望。

再將時間線推到半年前: 在去年12月8日那天, 朋友為小黃預祝生日時, 著小黃許願, 正當許願之際, 其中一位朋友立時說出: 『一定是希望Masha來港開個唱啦!』, 我即回應: 『說了出來便不會應驗喇!』......怎料「開口中」! ~ 不到一週, Masha在14/12/2013《福山☆冬の大感謝祭其の十三》第一場演唱會中, 向大家兌現他來港的承諾, 這對這個成為福粉沒多久的小黃來說(由16/7/13至現在已是"腦殘粉"XD, 詳看前blog《熟男誘惑》), 絕對是一份超級生日及聖誕禮物, 實在! 實在! 實在! 是極級的驚喜! 

接著便開展 ~ 作死3姊妹的《福山雅治 WE'RE BROS. TOUR 2014 IN 香港》之旅:
詳看: 福山雅治旋風式襲港事件簿

















首度殺入香港 , 當然要同花師奶捧足兩場啦!
有一個不成文定律, 睇concert通常要睇首尾場, 因為頭場多「蝦碌」, 尾場多感動位, 而且會「賣大包」~ 嘉賓 + 超時! (勁唔鍾意有嘉賓)
結果......當然係唔會發生喺福神身上啦!
    小黃, 你睇得譚校長(譚詠麟 Alan Tam)嘅concert太多喇!
 

終於等到「旅程」的終極精彩部份喇!

記於14 & 15/6/2014

14/6/14 星期六- S席

5點半開賣演唱會周邊產品, 4點半去到已經打哂蛇餅, 排到上去售賣場都成6點半

買goods過程算幾順利, Staff姐姐服務態度唔錯! 買咗件香港限定Con Tee第一時間著住佢入場, 睇演唱會咁多次都未試過好似著制服咁入場呢!

買好戰利品, 周圍影下Masha哥哥先, 點解唔係好似台灣場咁, 場外無祝佢Good Show既花牌海嘅?! Goods List個牌好快收咗! 我哋3姊妹無得同佢影相 : (

即日入fan club會有結他pic送, 遲來反而有著數, 不過都係執到Masha哥哥掉出嚟嘅pic會秢貴啲! (當然難過登天啦!)

8點開波, 7點9坐定定等開場, 會展個場比想像中大, 位置亦比預期近, S17, 花道對開第二段, 花道比台灣場短一半, 就算Masha走到盡頭仍可看到他的側面, 不用看Mon; 而Mon的高度亦適中, 頭不用抬得太高而弄致頸痛!

第二次看「A貨福山」大山英雄的溫馨提示仍是那麼好笑

另外是在前篇台灣Tour漏了提及的, 是開場前那3分鐘片段, 我這些資淺福粉也看到眼濕濕, 更遑論等了他廿多年的福友們?! 但話說回來, 若3年前他已經來了, 未成為粉的我肯定會錯過, 而他今年不來的話, 便肯定是畢生遺憾了!

半鹹淡的廣東話不時連珠爆發 ~ 『大家好, 我係福山雅治』、『HK, 我返嚟喇!』、『好掛住你哋呀!』、『1.2.3 ~ Fukuyama San / Masha』、『無問題』、『一齊High啦!』、『多謝大家』、『好犀利呀!』、『男觀眾, 多謝; 女觀眾, 多謝!』......太多, 不能盡錄。
雖然首度在香港演出, 但Masha沒有予人拘謹、「生外」的感覺, 就像跟老朋友聚會般, 打成一片(反而在東京巨蛋開第一場時有點怯場, 且MC部份少了) 跟我在家看他的演唱會DVD時一樣, 親切與可愛度同樣爆燈! 連電台一些DJ也說:『 他是有史以來說得最多廣東話的海外歌手; 想不到他如此多說話, 充滿幽默感甚至是......壞壞的......!』
『被稱為「跨代男神」感到很大「Pressure」呢!』
『我係俾記者問有無著底褲既福山』、『我無諗住著』、『無問題』......XD

跟台灣場同樣有字幕的安排, 而MC部份竟然很地道, 很口語化, 很Tailor-made, 翻譯字幕組如此有心思實在值得一讚!

實在太近了, 看到《HEAVEN》與《CHERRY》時, 實在! 實在! 實在 X 10000000000, 前者更『賣大包』, 其中一次更是向我們這邊......O! M! G! 「工口」mode再被啟動!
3姊妹: 『喂! 小黃, 你又嚟嗱?! 返來喇!!! 真失禮!!!!』(#>o<#)
小黃: 『無計啦! 鬼叫入咗教, 做咗die heart信徒咩! 你估你哋唔會唔想做"車小姐"牙?!』XDDD
花師奶說: 『好奇怪, 如果換咗第二個, 呢啲就叫煨瑣, 但係佢, 就只係覺得好型, 得意同過癮!』哈! 哈! 哈!
又是那一句, 沒有Pole Dance, 有點可惜, 他在二月的記招上說過, 若有此設備的話, 肯定會跳呢!

今次比台灣場更忙, 雖然同樣是第六行, 但與主台的距離近許多, 紀念品的落點亦較中, 所以忙得不亦樂乎! 亦是幾乎全程站著看! 揮動螢光捧的手亦幾乎沒有停過, 且開盡Turbo, 完全投入忘我境界, 徹底盡興! 結果, 腰酸, 頸梗, 膊痛, 雙手像不屬於自己, 甚至失驚無神"un un"腳, 一齊殺埋嚟! So-called ~ PCS

Masha哥哥, 唔好講Bye Bye住, 我哋聽日仲見架! 死喇! 佢一離開個舞台就已經好掛住佢喇!

終於攞到汽球, 原來係要篤爆個大汽球, 先會再爆呢啲小汽球出嚟, 好過癮, 如果唔係坐前面啲日本福友姐姐有經驗又醒目, 我哋就會以為純粹玩推波推走咗就送哂俾人咯! 咁都俾Masha哥哥諗到, 果然係食腦嘅整蠱專家!

Masha哥哥, 聽日見, 繼續Good Show! 繼續「一齊HIGH啦」!

散場後, 周邊產品售賣處竟然仍現「蛇餅」, Masha哥哥真係「好犀利呀」!

15/6/2012 - SS席

Stage Back, 在日本, 又名Sexy Back, 男神的背影果然好Sexy! 點Sexy?? 去片!

一個另類觀景位, 同隊Band好近, Masha哥哥「唔得閒」理我哋時, 就由佢哋一齊同我哋互動, High翻天嘞! 
另外, 大屏幕同坐位同一Level, 睇得好自在舒服呢!

實在大驚喜! 
Masha於這晚唱《破曉》時唱到最尾的一段也是國語。
MC部份說了更多廣東話: 由本來教大家講"Fukuyama San"時 變了「福山」、更讀了即日報紙 -「成報」、「明報」, 關於HK Tour的報導, 說到前者讚他是白馬王子時, 高呼:「I'm your dream man!」; 後者則是: 「點解咁多底褲問題?!」
附上chok look 加萌樣, 實在KAWAII不行! 簡直殺人於無形! ~ 當然又是引來一陣陣尖叫聲!
大神果然夠update, 轉數又快, 明顯唔係齋讀稿, 雖說大部份是設定, 但又不覺互動感不足! 而絕對誠意十足呢!

當Masha與Band向觀眾致謝時, 全場舉起「ましゃ! ありがとう!」的 Mini Banner, 他立時回應: 
「好靚呀!」>>「好感動呀!」>>「收到哂!」
彷彿看到眼角一點淚光......
Masha, 你真係「好犀利呀」! 「好叻仔呀」!

在唱最後一曲《成為一家人吧!》之前, Masha竟然問可否讓他唱多首, 當然可以啦! 最好唱通頂呀! 夾錢幫你交埋罰款又點話?! 哈哈! 唱畢後, 向大家送上兩個深深的「飛吻」(他在日本演唱會的指定動作, 還以為在港、台此兩處陌生地, 怕難為情不敢做呢! 連唱情歌都感到難為情如是說! ) 之後, 便徐徐在台中央消失了! 


今次呢個SS位無紀念品攞咯, 梗係啦! 唔通俾Arena同Stand啲觀眾見到「表演者」忙住執嘢咁失禮咩! >_<, XP
好在尋日嗰場攞得七七八八! 

Masha哥哥, 今次真係要講Bye Bye咯! ToT
多謝您呀! 給了大家畢生難忘的回憶, 希望您真你快D返嚟, 實踐對我哋既承諾, 到時會係唔止開兩場, 而係三、四場, 甚至十場八場, 繼續"一齊High啦"! 再讓我們留下無限次難忘的回憶!

戰利品:

終於集齊哂喇, 只欠佈滿某君指紋汗印的結他pic, 同埋有佢DNA嘅福字紙杯(各場第一隻飲咗一啖既.....) 但簡直"Mission Impossible"!
3姊妹: 『小黃, 你好變態、好核突呀!』 XDDD
同樣回敬: 『你估你哋唔想要牙?!』XDDDD

SS席附送的戰衣, 背面正過正面, 有靚仔個樣嘛!



令Masha眼濕濕既Mini Banner, 謝謝香港福友們的心思, 真係好靚! 好感動啊!



Tote Bag與小底底是補訂的, 11/7/14才去Amuse取貨! 終於都係忍唔倒手!
當時猶疑係因為Tote Bag無拉鍊, 但實在太型仔喇! 而小底底話哂係招牌貨點都要入一手呢!
可以帶住個「腦袋」周圍去, 返工又得, 返學又得, 行街街又得, 得咗!
好似某位人兄話帶埋「FKYM」去沖繩曬太陽, 點解咁講?! 你哋睇埋落去就知嘞! XD

各大報章雜誌舖天蓋地的報導, 偏偏買唔倒15/6/14用「白馬王子」做標題既《成報》! :(

《Cheer》寫得好好, 「勁型」, 「型爆」成日喺內文出現, 睇嚟呢位男筆者都做埋福粉喇!

封底正過封面好多, 可以做Poster!

Rundown

跟台灣場一樣, 只是由《Squall》改了《戀人》
我較喜歡後者, 還以為他會唱兩句《感激我遇見》呢!

Beautiful life
Prelude
HUMAN
想 -new love new world-
虹
it's only love
櫻坂
miscast
とりビー
クスノキ
戀人
最愛
KISSして
vs.2013～知覚と快楽の螺旋～
Cherry
RED×BLUE
HEAVEN
明日の☆SHOW
破曉

Encore:
活著活下去
讓我們成為一家人吧

整體觀後感:

不需華麗戰衣, Dancers, 花巧舞技(不許再取笑他不懂跳舞! 因為事實不需要!)來譁眾取寵, 只有富心思的燈光效果, 便令整個舞台幻化及華麗起來, 星星吊燈迷幻般的起落轉動聚散, 實在美得令人驚嘆目眩; 而觀眾手上的「神仙棒」亦直接成為燈光的部份, 互相輝映。

換結他多過換衫, 十多支, 不少更是特地為整個Tour而入手的! 盡顯誠意! 連褲也穿到最後, 除encore外, 根本沒離開過舞台, 一直在我們視線範圍內。

 只需一副沈厚磁性有感情的嗓音, 及一手出神入化的結他技術, 純粹以歌會友, 開首清唱一節《Beautiful Life》 時, 每顆清脆的聲音, 在會場迴蕩, 再嵌入人心, 簡直是天籟之聲。

柔情、狂野、勵志、甚至賣萌(一觸即暈的單眨眼與手指指的動作), 比以往在螢幕所看到的更百倍地令人招架不住; 一兩個性感撩人、火辣的眼神動作, 便足以震攝與感動全場! 已如坐過山車般有離心感與窒息感; 之前看DVD, 隔芒的電力已很驚人, 現在親眼目擊, 簡直被「本物」秒秒殺至遍體鱗傷, 足以致命!

連不熟悉Masha歌曲, 及開場初期不太投入的觀眾, 但瞬間已徹底被他溶化, 且全程站起來, 揮動有特別效果讓人驚嘆的螢光棒, 跟他一齊HIGH翻天!
就算是獨行俠, 都不覺得只有自己一個人, 因為Masha的互動, 便會帶動觀眾互相互動呢!
像置身嘉年華會啊!
就算聽不懂, 也可完全感受得到他非凡的舞台魅力! 如黑洞般把你吸進去!

親切、幽默、愛搞怪、營造氣氛, 甚至「工口」程度與譚校長不相伯仲, 而且有過之而無不及, 且看高一線(校長, 得罪了!XD), 因為他是曲、詞、編、監、唱, 演唱會總監督, 甚至精通多種樂器如bass, drum, 口琴, 網琴, 可惜, 這兩場沒有施展出來! 
他甚至可以手口並用:

福山雅治 - 「遠くへ」WE'RE BROS.TOUR 2007 ～17nen mono～

佔了六首新大碟《HUMAN》內的新歌, 甚是驚喜與興奮, 因以為他會擔心香港觀眾不熟悉新歌, 而不會選唱, 我曾到他的官網留言提議過最好選唱所有呢; 此外, 我亦有提議他唱些我極喜歡的冷門歌如《Gloaming Way》、《回憶中的夏天》、《Eighteen》......等, 這3首絕對是我的大愛, 每天一定重聽幾遍, 可惜沒選唱, 希望接著來的Concerts會選啦! 

 除主角的表現外, 整個音樂團隊也要激讚, 他們與Masha合作無間( 好像已廿多年), , 所以配合得天衣無縫, 且不時跟觀眾互動, 不用自己樂器的部份便會揮動螢光棒與毛巾, 使全埸更熱烈, 特別是靠近我那邊的「小提琴姐姐」, 想不到外型酷酷的她原來可以很狂野, 不時擺動身體, 又指揮著我們做動作, 是玩得之人呢! 所以不能抺殺他們的功勞; 他們合作這麼多年, 到謝幕部份, 總會手牽著手, 仿如一家人; 其中一兩位成員更會有「指定動作」, 煞是可愛呢! 

相比台北小巨蛋場, 無論音響, 場地, 大屏幕, 會展更好! 看得更舒適滿意! SS席更像是由歌者的視點出發, 亦有身處紅館"山腰"的感覺, 飽覽全場, 帶給我另一新睇驗! 男神的背影也不錯嘛! 但也不全是, 側面也不乏呢! 其實, SS位是參與表演的部份, 真的如跟Masha「融為一體」的感覺, 應該感到榮幸,  而且根本預了Masha不會時常對著「表演者」唱歌嘛, 所以不應感到位置不濟而糾結, 這個「初睇驗」的確不錯呢!

總括而言, 不論歌者, 樂隊, 燈光, 效果, 加上特製的螢光棒, 甚至是明顯花了心思的口語化字幕(台灣是書面語的!), 小整個音樂會都是超水準、神級的, 香港實在沒有一個比得上, 甚至學也學不來! (校長, 又再次得罪了! XP) 
較接近的, 我認為只有`Christopher Wong, 可惜他懷才不遇! :(
黃凱芹私情3步曲 - 畫意 + True Colours 25週年演唱會
末段有提及他當年淡出樂壇, 離開香港的原因!
http://blog.xuite.net/jakew1980/hkblog/185789858
Masha的確幸運得多, 但回想他曾幾乎不被事務所錄用的事, 也替他揑一把汗呢!

雖然不是零瑕疵, 如偶有甩音及回不及氣, 甚至可能有忘詞, 但這樣才是有親和力與有血有肉的神中之神啊!
如常忘詞的譚校長說: 『這才證明是唱live嘛!』XD

實在極級享受, 憶度回味, 絕對! 絕對! 絕對! 一定! 一定! 一定! 要推出香港及台灣Tour的DVD, 最緊要有中文字幕呀! 特別是MC部份, 要足本輯錄呢!

所以Asia Tour一定長開長有, 除日、港、台外, 希望可以擴展到星、馬、泰、越、韓......!

Masha, 你也有不少泰、越粉絲啊!
FUKUYAMA MASAHARU Thailand Fanclub
Fukuyama Masaharu Vietnamese Fanpage

Masha! 期待你來年25th Anniversary的大Project, 一定要有香港Tour啊!

精彩視頻

明報視頻 ~ 福山雅治會展大叫：好掛住你哋
http://www.youtube.com/watch?v=P0KVg8qQHOY&feature=youtu.be

福山雅治開騷盡出「冧粉絕招」
https://www.youtube.com/watch?v=RgqY7vonZ18

2014.06.18 - 福山雅治 香港尾場, 送機 (普通話娛樂新聞)

https://www.youtube.com/watch?v=vHaE7dg4xF4

『我返泥喇!』、『大渣好!』、『好掛”JU”你哋呀!』、『好"Side"利啊』……
講完即刻轉頭望下隊Band, 好招積又得戚咁: 「睇下我幾犀利幾勁! 電到班友陀陀令!」
XDDD (設計對白) 

相關相片
福山雅治 WE'RE BROS. TOUR 2014 IN 香港
https://www.facebook.com/media/set/?set=oa.10152298906491240&type=1

一面倒, 排山倒海的激讚, 證明小黃不是「Hard Sell」啦!

文匯報 ~ 演唱會期間表現生鬼，與劇集中嚴肅形象大不同
http://paper.wenweipo.com/2014/06/16/EN1406160030.htm
成報 ~ 福山雅治多次大讚粉絲「好犀利」
http://www.singpao.com/yl/mx/201406/t20140616_513645.html
頭條日報 ~ 福山雅治會展開騷 愈唱愈High 粉絲感動落淚
http://hd.stheadline.com/ent/ent_content.asp?track=news&contid=172179&srctype=g
AM730 ~ 親民的福山又用廣東話向現場觀眾打招呼講：「大家好，香港我返嚟喇！好掛住你哋，一齊high！」
http://www.am730.com.hk/article-212071
蘋果日報 ~ 港騷晒廣東話：好犀利呀 福山嘆男神壓力大
http://hk.apple.nextmedia.com/entertainment/art/20140616/18760914
晴報 ~ 連續兩晚以白馬王子造型登場的福山，出名「結他癡」，全晚更換了多支結他Chok住表演，並應承粉絲會再次來港開演唱會。
http://www.skypost.hk/娛樂/娛樂/20140616/002/福山雅治香港處女騷%20忘我扭腰自摸/142595

晴報連讚兩天

福山高呼：I'm your dream man 首個亞洲巡演完美落幕
http://www.skypost.hk/娛樂/娛樂/20140617/002/福山高呼：I'm%20your%20dream%20man/142725

『......只有歌者，一支咪，一支結他，嘆為觀止的自彈自唱，與歌迷「一齊high」足三小時......』
http://www.skypost.hk/column/鄧明儀/007010001005/福山雅治演唱會後記/142823

『福山的魅力，不僅於他英俊的外表及多才多藝，還有他的善心及勇氣。』
http://www.skypost.hk/column/鄧明儀/007010001005/福山的善心與勇氣/142937

Stars HK 娛網 ~ 福山雅治《We're Bros Tour》香港站「好犀利呀」
http://www.stars-hk.com/wsp-topic.php?tid=113638

超越專業的認真 – 福山雅治亞洲巡演完滿結束
http://unwire.hk/2014/06/17/were-bros-tour-2014-hk/column/
男神犀利全紀錄 ~ 整個Rundown很詳細呢!
http://ck-musicnmore.blogspot.hk/2014/06/were-bros-tour-2014-in-hong-kong.html?spref=fb

福山雅治香港演唱會，精彩高水準的4大原因
連男士(筆者)也被迷倒:『......在下會把這件T恤帶去沖繩，和FKYM一起享受陽光與美景。』, 
http://kenshin.hk/2014/06/17/福山雅治香港演唱會，精彩高水準的4大原因/
連Masha的官方FB也轉貼呢! 
https://www.facebook.com/fukuyamamasaharu.official?fref=ts
筆者回應: 『從沖繩回到香港即收到好消息，在下出發前寫的福山雅治香港演唱會報告文，被日本福山雅治官方Facebook專頁選中，把5000字全文翻譯成日文刊登讓日本的歌迷欣賞，教在下怎能不繼續支持？』
終於這位仁兄終於宣佈被神服, 正式成為信徒喇! 好羨慕他收到這份大禮, 他那張跟FKYM的沖繩"拍拖"照簡直溫馨又萌爆呢!
看來"好犀利呀"已成為福神的口頭禪, 21mins 開始講不停, 且越講越流利, 興奮, 忘我! 不知情的還以為是香港人講呢! 實在親切可愛到爆燈!!
教人怎能不對他義無反顧, 死心搨地呢! 相信男福粉也有同感吧! 可能有過之而無不及呢!
http://www.youtube.com/watch?v=XE3gC2535vo
原來香港場唱《Heaven》時無打算......點知.....而且賣大包, 否則便不能大飽眼福了! 哈哈哈! (邪惡細菌又出沒! XP)
http://kenshin.hk/2014/07/03/福山雅治電台親口讀出在下所寫香港演唱會文章/

17/6/2014 Tue - 送機篇

錯過了11/6/14的接機, 是次送機當然不能錯過

曾為譚校長當追星族, 但已「退休」了很多年, 直至遇上......他, 又再度「復出」, 且不顧一切 一頭栽進去!

不想面對, 但這天始終都要來臨

同樣是送機, 有兩種截然不同的心情
27/2/14那天: 會高呼: 『我等著你回來! 祝Good Show!』
而這天, 則高呼: 『好犀利呀! Bye Bye!』

他竟然捨特別通道, 破例走了一大段路跟我們揮手道別, 讓我們多幾他幾面, 出名愛鍚粉絲的他果然所言非虛, 生果報也讚曰: 『好乖嘅FANS』(當然抵錫啦!) 寫到此處, 眼淺的小黃實在忍不住了!!!......T.T T.T T.T
隨著身影遠去, 最後在視線範圍消失, 耳際不斷傳來:『好犀利呀!』、『我返嚟喇』、『好掛住你哋啊!』、『Stage Back, Stand, Arena, 一齊High啦! 』『多謝大家!』『無問題!』、『好靚呀!』、『好感動呀!』、『收到哂!』、『男觀眾, 多謝; 女觀眾, 多謝!』(電台主持們也大讚: 『有史以來, 說得最多廣東話的外地歌手』!)......一直縈繞至現在, 久久不能散去......
淚線徹底失守, 如缺堤! (so fish! XP)

ましゃ! ありがとう! 大感謝您為我們劃上完美難忘的句號, 真的要好好休息, 之後再來實現你跟我們的約定, 再度為我們帶來無限快樂、驚喜與感動啊!

鬼馬福神打道回府了:
http://hk.on.cc/hk/bkn/cnt/entertainment/20140617/bkn-20140617145638503-0617_00862_001.html?share=true

美魔男! XDDDDD
http://m.i-cable.com/m-site/content_details.php?id=119490
TVB娛樂新聞報導
https://www.youtube.com/watch?v=9_dDl1iPlpk&feature=youtu.be

小插曲:

實Q哥哥: 『如果你地乖D, 守規矩D, 又唔會推嚟推去既話, 我地就會俾佢行遠D, 俾你地見耐D, 如果唔係即刻"的"佢入VIP!』
結果呢......唔駛圍欄杆, 又俾佢行咗半個離境大堂既長度, 好感動呀! 
咁多位實Q哥哥, 辛苦哂! ありがとう! 
唔單止Masha, 連D fans都"好犀利呀"!
正所謂: 有怎樣的人(神), 就有怎樣的支持者(信徒)!XDDD 
連生果報都大讚: 『好乖既fans』
『......不過呢，男神班fans都好乖，大家都只係衝前舉牌同埋用手機影男神，場面雖然難免混亂，但至少都冇之前fans等韓星時又摺凳又盛留下一大堆垃圾，好犀利呀!』
http://hk.apple.nextmedia.com/enews/realtime/20140617/52595947

送走Masha哥哥後, 想到錯過了接機, 便到他當日(11/6/14)曾踏過的足跡走走呢!

Masha哥哥, 希望你可以快D返泥啦, 好掛Ju你呀!!!!!!!!!

同場加映 ~ 小黃的成粉之路

16//7/2014便是一年了, 去年, 剛看畢《神探伽俐略2: 真夏方程式》仍未喜歡福山雅治, 一直以為他是個又酷、又擺架子、又不苟言笑的人(證明湯川學很深入民心呢!) 直至我寫了真夏的觀後感, 有福友來留言, 說他的舞台魅力遠勝影視, 再給我幾個視頻看, 簡直驚為天人, 再加上一些專訪, 發現他原來可愛、可親且充滿幽默感......最驚訝是「愛開黃腔」, 違和感極強烈! XPPP。 

最厲害的要算是「福山本音」 一向對沒有相片只有文字沒興趣的我, 竟然像有股魔力把我吸進去, 如追連續劇般追看下去, 雖然只更新到2012年1月, 但已足足用了4個月時間才完成, 看到特別精彩的忍不住重看再重看!
這"福音" ~ 令不是福迷的會開始喜歡他; 是新粉的會越愛越深, 而舊粉更是愛到發狂呢!

 http://weshare.hk/dpanhk/articles/2494441

幾乎由1990年出道起, 曲、詞、編、監、唱一手包辦, 亦是演唱會總監督, 精通多項樂器(上文已提及), 專業攝影師, 電台DJ......等, 如此多才多藝, 時而天使(優雅得很徹底); 時而魔鬼(麻甩得很徹底), 那麼多樣化, 加上完美無瑕的帥臉 (略嫌多了點痣! 除了左眼下那顆招牌銷魂痣! XP)
長得帥還是其次, 才華洋溢以外, 待人處事態度方面, 他對理想的堅持與執著, 有承擔的勇氣, 不時發放正能量, 絕對是我們的道標!
因此, 令我徹底泥足深陷, 不能自拔呢! 這陷阱! 這陷阱! 偏我遇上! 

看著他的官方FB由2013年8月的12萬增至現在的25萬多
本來只有日文, 今年為配合Asia Tour曾加了英文與中文, 實在很貼心, 希望可以繼續維持下去!

https://www.facebook.com/fukuyamamasaharu.official?fref=ts

雖然發現得這「瑰寶」那麼遲, 但一喜歡上便不斷有他的消息, 緊接是: 

31/10/2013: 《誰調換了我的父親 (Like Father, Like Son)》 

31/12/2013:《福山雅治☆冬の大感謝祭2013 香港現場直播》 (也一定一定要出DVD呀!)

25-27/2/2014: 福山雅治旋風式襲港

2/4/2014: 繼《殘響》後相隔五年的新專輯《HUMAN》(source from: 福山主義)

7/6/2014: 福山雅治 WE'RE BROS. TOUR 2014 IN 台灣

14-15/6/2014: 福山雅治 WE'RE BROS. TOUR 2014 IN 香港

不用等一年便可以有這麼大收獲, 而且香港及台灣Tour更是令我畢生難忘. 看來小黃有點旺「福」呢! XD

繼《斷背山 Brokeback Mountain》後, 小黃從此被困在這充滿福氣的深山中了!

小記Minibaby報導完畢, 多謝大家耐心收睇呢篇有史以來最「水蛇春」既Review! 大感謝! 無言感激!