(19/07/2010 - Monday) 藍閘 第51段 第38行 第93位 ~ 180個大洋
所以唔好期望可以見到校長既令仔CLOSE UP相呀! 只係有遠鏡睇!
想睇的話, 請稍移玉步去Alan Tam.com啦!
我小記Minibaby陳綿綿既任務只係負責整個Concert全記錄咋, 去片! >>>>>
主人小黃同花師奶六點多鐘到達紅館, 等我Minibaby同"校長"來個合照先 / 弊! 錯過左拜神時間添!
期待了五年, 終於等到這個個唱喇! 超興奮 ~~
今次唔派"PON PON"(最憎, 又"牙咋"又嘈)改派海綿光管, 著起好令架! / 觀眾乖乖坐定定等開場
今次唔係四面台, 係鑽石型台, 細好多, 平地觀眾席既AREA仲大範圍過佢, 未開始時有啲擔心氣氛唔夠, 加上我地係山頂位, 距離好遠呀! 而舞台兩旁較側的位置, 除只看到校長的側面, 便得看牆上的屏幕了
而我們也主要靠觀看右邊的直屏幕才可看清校長的真面目呢! 當中還有小插曲, 屏幕有段時間沒畫面, 幸好即時被成功搶救
校長出場喇!!!! / 一身型仔武士LOOK(頭頂帽子有點像撒亞人), 由專程空運抵港既太鼓伴奏下, 連唱三首快歌 - 你知我知, 魔與道, 俗世洪流
然後是: Hold On Mary 諗真亦唔遲, 擁抱
不知是否因為太鼓的"隆隆"聲過大, 還是音響問題, 校長的聲線幾乎被蓋過
演唱會跟校長一貫作風有別, 簡單的舞台設計, 四個大屏幕, 背後不時打出圖案配合, 沒有Dancers, 沒有特別效果(暗串林某玩水, 哈哈!), 只有一隊勁band, 實行返璞歸真, 以歌會友, 做bandsound concert, 是校長一直的心願
至於燈光效果, 有我們幫手嘛......
海綿光管有紅藍兩色, 校長著我們如果覺得那首歌憂鬱浪漫, 亮藍色; 熱情溫馨的, 便亮紅色, 不用他指揮, 觀眾像很有默契地選相同的顏色為不同調子的歌曲打拍子, 全場很壯觀, 充滿夢幻色彩
接著是K歌時間: 今夜情為証, 情義兩心知, 我愛雀班, 80歲後
"一地金曲"的他, 忘詞係指定環節, 當唱到我愛雀斑第二句時, 便宣告甩嘴, 要求重頭再來, 比以往"lala song"式的怱怱帶過認真了許多
然後, 一輪最愛的您music intro後, 接著很有中東feel的音樂, 很熟悉, 赫然像是"波斯王子OST"theme其中一段?! 連身旁的花帥奶也說很像呢! 弊傢伙! 中左"波子毒"既小黃竟然王子上身呀!!
真的估不到, 原來是酒紅色的心intro, 校長換了一套紅衣出來, 右膊附上一個火焰裝飾, 立時聯想起叱吒樂壇獎座上那團火, 而且好像裝得不穩, 隨時掉下來似的!
滄海遺珠(冷門歌)時間: 愛您兩個人, 一個永遠不好的傷口, 不得了, 前者intro一起, 心立時一陣悸動, 並"呀"了一聲, 許多倫迷包括小黃曾在他的facebook留言, 提議他唱這歌, 成真了, 煞是感動
再跟其中一位女band member jam 了一首英文歌: Angel of the Morning, 可是只得一首, 有點意猶未盡, 如果也唱"In My Life"便更相得益彰
跟前太極成員Joey與Patrick Jam 此刻你在何處
Joey再一輪guiter solo後, 接著太鼓再度出場:
校長著全場站起來跳舞......
Maggie, 冷傲的化妝, 香港 香港, 知心當玩偶, 愛情陷阱
「大家跳完, 好乖乖地, 守秩序返埋位喇, 唔好盪失路, 唔係要報警架喇!」愛搞怪的他以校長口吻笑道.....
十時許, 人氣勁band Mr 出場, 與校長合唱"約翰人生", 咦? 明明這part有校長拉小提琴, 難道取消了? 是小提琴老師跑掉了? 還是校長當了逃兵? 在facebook可看到他認真學習的樣子, 一直期待這驚喜, 失望啊!
沒唱MR. TAM, 可惜!
之後, Mr 唱了改詞版: 如果我是譚校長
經典中既經典, 金曲時間:
一首歌一個故事
當中, 提及了不少成名作的戰蹟及小故事:
忘不了您 - 高踞各大流行榜34星期冠軍 (其間只有一兩星期下跌少許, 之後再回升)
幻影 - 林氏姊弟佳作
愛的根源 - 放進了政府的時間囊
愛在深秋 - 讓全球華人也認識他, 如concert沒唱, 就是一個不完整的concert
一生中最愛 - 介紹這首歌時, 說志偉每次聽到, 便想起《雙城故事》中的片段, 特別是三人在船上互相擁抱那刻, 他便會哭起來, 小黃今早找來看, 也被弄得鼻酸呢! 放上facebook更後有不少回應, 謝謝各位!
幻影 - 林氏姊弟佳作
愛的根源 - 放進了政府的時間囊
愛在深秋 - 讓全球華人也認識他, 如concert沒唱, 就是一個不完整的concert
一生中最愛 - 介紹這首歌時, 說志偉每次聽到, 便想起《雙城故事》中的片段, 特別是三人在船上互相擁抱那刻, 他便會哭起來, 小黃今早找來看, 也被弄得鼻酸呢! 放上facebook更後有不少回應, 謝謝各位!
最後是校長的作品(填詞): 情憑誰來定錯對
最感動位: 那些感動過人的歌
背後不斷打出歷年的歌曲名字, 有舊有新, 一直伴隨著許多人成長, 見證著校長不斷的努力, 帶給我們這麼多好歌, 眼眶按捺不住的紅了, 校長也有點動容, 相信尾場時一定忍不住, 可惜小黃無緣再到現場目擊
「世界盃都有加時, 射12碼啦! 我呢度都唔例外, 等我換件衫出嚟啦!」
ENCORE 時間:
披著羊皮的狼 (with one female band member)
嗚謝有關單位
嗚謝有關單位
雲妮鍾情點唱環節:
在乎 (說實在, 我極不喜歡這首歌, 怪怪且不自然的!) 所以係小黃既"廁所位"
在乎 (說實在, 我極不喜歡這首歌, 怪怪且不自然的!) 所以係小黃既"廁所位"
投票唱K的環節, 每首都咁正, 好難投呢! 亦全晚最High爆的時間:
小風波 (loser: 愛多一次, 痛多一次)
無邊的思憶 (loser: 偏愛, 想聽呢首多啲)
講不出再見 (winner)
再見亦是淚 (loser: 但校長堅持唱埋)
無邊的思憶 (loser: 偏愛, 想聽呢首多啲)
講不出再見 (winner)
再見亦是淚 (loser: 但校長堅持唱埋)
最後以高低一起完場 ~ "I'll spend my whole life, be with you!" should be: "We'll spend our whole life, be with Alan!"
這時已23:30, 第三場唱至23:40才完場, 所有大家以為有encore, 校長亦著我們叫大聲點, 怎料被作弄, 說要保住令聲, 因第五場要錄影, 唯有放他一馬!
雖然有點失望, 但也很滿足, 盡興而歸呢!
幾支綿綿捧捧, 可以留到中秋節再用 / 超期待Mr. x Alan 的 cross-over大碟
本Blog特派小記Minibaby報導完畢, 多謝觀看!
P.S. Rundown Source From:
- Alan Tam,
- MR,
- 娛樂,
- 綜合,
- 譚詠麟2010再度感動演唱會
左麟右李沒加價，弊在其後加幅強勁嘛。 或許左麟右李太爛，對今次個唱期望不大， 對貪心的死硬歌迷來說，即使每晚曲目不同也未夠喉吧。 我較喜歡八六年及後的歌曲，金中金環節是多了點， 當然明白，這個環節，是絕對不能缺少的。 對今次個唱非常滿意，留下螢光棒是遺憾呢！
我反而覺得09既左右, 好過之前兩年, 單係校長好俾心機咁"谷肌", 已經好有誠意啦!
佢一地都係金曲, 當然唔夠喉, 佢都話度rundown時度左成100隻出嚟, 篩選都篩到暈! 其實佢唔攞獎之後d歌仲正!
唔扮野, 做自己, 純聽歌, 睇令仔, 呢次concert最pure!
點解"留下螢光棒是遺憾呢!"呢? 有紀念價值架!
總覺今次呢個演唱會好貼題 --- 再度感動.
幾日後將有大作!
頭先有線播返D片段, 真係好正, 校長一D都唔似"50"後!
今個演唱會可用4個字來形容:無與麟比!
今次無論編曲水準同舞台效果都比09麟李時好好多,而且比起05年時更有活力,相信ALAN依然活力無限,仲有排唱!(唔係擦鞋嫁,係真嫁)
仲有好多野想講,遲下再慢慢上來傾!
寫到咁精彩, 搞到心郁郁想去捧下場添, 仲有飛賣嗎?
有線電視新聞有播這個活動喔,那有人腦子進水,還講說這個活動很秘密,不淮我們把照片放在網路上
真是環保.. 又與別不同^^
我覺得坐夠3種唔同位置的票180/300/550才夠全面和立體.. 可惜無人陪我坐180, 唔係都睇一場180