作死3姊妹的《福山雅治 WE'RE BROS. TOUR 2014 IN 台灣》之旅 ~ 好捧啊!

記於: 5/6 - 8/6/2014

好耐無見喇! 但為咗呢位哥哥, 我哋3姊妹嘅主人小黃:「我又返嚟喇!」

Day 1: 5/6/2014 - Thu

本來以為去唔成, 好在有香港同台灣嘅福友姐姐幫手, 小黃家族又有旅行去喇!
我哋3姊妹 ~ 我Minibaby, 小B子, 小豆子, 小黃同花師奶一行5人浩浩蕩蕩出發喇!

好在旅行社改早咗班機, 先可以由桃園機場趕去松山機場接Masha哥哥機, 咁啱佢又係呢日到
台灣















佢15:35分機, 去到時已經15:00, 已經人山人海, 好多記者同福粉standby, 就嚟見到「本物」, 好緊張呀! 腳仔震哂!

等到大約16:00, 終於出嚟喇! Mashaaaaaaaaaaaaaaaaaaaaa! 你好令仔型仔呀!!!!!!
第一次咁近, 超興奮!!!!!















接完機, 返酒店時已經夜晚, 經過附近唱片舖, 又見到佢喇! 影張合照先!

喺全家便利店見到演唱會周邊嘅預購咭


第一日行程淨係接機已經散哂, 早啲瞓養足精神迎接第二日先!
夢到Dream Man呀! 就係晏晝既接機情形.....XDD

Day 2 : 6/6/2014 - Fri

行程: 西門町 > 西門紅樓 > 東門永康街 > 昭和町 > 冶堂 > 青田七六

抖足精神, 小黃家族展開台北一日遊嘞!

台北火車站, 外面好似民初時代, 但入面就好IN, 好唔match

喺西門捷運站見到米哥哥呀! 究竟香港上唔上架, 雖然睇過英文版, 但好想同花師奶一齊睇中文版呀! 米哥哥型到爆燈!

西門町 -「濕平」+「掃街」Mode 啟動

古色古香既紅樓

去到東門, 超口渴, 呢份芒果雪葩超抵食夾大件, 小黃同花師奶share都食唔哂!

跟住Masha哥哥足跡鬧東門, 多謝台灣福友姐姐網上「帶路」

冶堂 ~ Masha舊年宣傳《真夏方程式》時曾到此飲啖茶

https://www.youtube.com/watch?v=YlH1Dy9XJJ4 (start from 16:50)

喺昭和町入面, 日據時代一位日本教授的舊居, 古樸的設計, 令人發思古之幽情(文藝tone), 突然諗起湯川教授

點知一離開, 就落起大雨, 回程時幾乎在「雨的大街」迷路, 「滂沱大雨中, 像千針穿我心」, 好不徬徨, 唯有企定定等雨勢減弱再動身!

本來跟住去遊夜市, 但大雨被迫結束行程, 實在有啲掃興! : (

Day 3 : 7/6/2014 Sat

京站時尚廣場 > 君品酒店 > 慶城街1號 > 台北小巨蛋

一直期待嘅「戲肉」~~~~~ 嚟喇!

去小巨蛋之前, 突然好想去Masha哥哥今次住嗰間酒店睇下

台北車站捷運站超大, 如果唔係去君品, 都唔會行呢邊, 咁又唔會俾我哋撞倒佢嘞!

大神住嘅地方果然有氣勢, 但竟然黏住個商場, 有啲騎呢

去食個lunch先

距離開Show時間越嚟越近, 指示牌擺咗喺當眼位置

到喇到喇! 好大隻蛋呀!

去到賣周邊嘅星光廳時四點幾, 等兩點開賣嗰條龍已散得七七八八, 所以唔算多人, 但一到六點又一輪衝鋒, 「神龍見首不見尾」喇! 我吔諗住返香港先買, 主要係入去換票, 所以純粹「隔岸觀火」! XD

唔駛排隊, 梗係爭取時間喺正門幾幅大banner度影相啦!

七點開show, 差唔多要入場喇, 場館門口一堆花牌海祝Masha GOOD SHOW!

入面個場好大, 望向Stand席同SS席好有氣勢

開場前不斷播放Masha既廣告, 客串台劇《你照亮我星球》同台灣觀光大使的片段

最搞笑係A貨福山 ~ 大山英雄(似姜大衛多啲)的「注意事項」片段

入場時每人獲派一支螢光棒, 點開都無反應, 我吔有朋友去日本睇過Dome Tour, 話過我吔知, 當然知咩事啦! 真係好好玩架, 不過要還架, 環保嘛, Masha都係環保主義者, 最近仲被選為最慳電男星No.1添! 同埋佢啲衫褲成日都係著嚟著去 , 認真慳家! XDD

唔止有得玩, 仲有好多野拎走添 ~ 紙心心, 金銀彩帶, 櫻花瓣, 氣球.......等! 本來以為得銀色彩帶, 點知拎轉面時見到個小黃識得既福友姐姐淨係拎住金色, 即刻換咗兩條!

成晚幾乎全程企喺度, 只係有兩首Masha哥哥叫我咃坐低,  佢一聲號令大家即刻9秒9坐低, 果然係大神, 唔怪得去過日本睇Masha演唱會嘅朋友都話絕對係體力勞動既活動呢, 宜家真係感受到嘞!

寫到呢度, 我哋3姊妹又忍唔住un un腳喇! 

睇DVD時已感到無比伏特的威力, 現場睇果然震撼百倍

射禮物槍型到無倫, 彈木結他溫文優雅, 似足文藝青年; 彈電結他則很Rocker, Hyper到暈!

唱《HEAVEN》與《CHERRY》時更加招架不住! 雖然前者睇DVD或網上睇時睇過無數次, 有哂心理準備, 但親眼"目擊"仍然殺個措手不及, 面紅、心跳、手震齊齊殺埋嚟! 而後者第一次便是現場看(是Human內的新曲且在今個tour才選唱, 當然未有機會看到視頻呢!), 他把玩結他時的誘人姿態, 實在! 實在! 實在......! (#>0<#)

如果像《福山☆冬の大感謝祭其の十三》有Pole Dance的話, 有更加高潮......迭起啦! (小黃, 返嚟喇, 因住俾"工口"大魔王上身呀! VV VV ("Gang"的殭屍牙!) XDDD

『你哋走唔出我既五指山架啦! 哈哈哈!』(設計對白)

精通多項樂器的他, 如果有口琴, 電子+鋼琴演譯就更加無懈可擊了! 

Masha唱歌時, 大銀幕顯示了中文字幕, 估不到連MC位都有字幕, 最驚喜莫過於Masha用普通話例牌講：「大家好, 我是福山雅治」外, 還有「台灣, 我想念你!」、「謝謝大家!」、「依, ER, 山」(1.2.3)、「好捧啊!」、「Stand, Stage Back, Arena, 一起High吧!」「男生, 謝謝、女生也謝謝!」...... 親切與可愛度簡直爆燈! 雖然有啲講到「唔鹹唔淡」, 但更加萌斃啊! Masha的"煲冬瓜"其實算是不賴呢! 而且唱了1/3國語版"曉"即"破曉", 既驚喜又感動!

這一晚, 我們名副其實的「拍爛手掌」、「喊破喉嚨」!

不過位置太前個Mon又太高, 睇到有啲頸痛!

Bye Bye 台灣, 一個禮拜後香港見!

(更多感想在香港場, 請稍候) =(^^)=

Day 4 : 8/6/2014 Sun

返香港喇!

走之前同Masha哥哥Say Goodbye! 喂 ~ 做咩俾架車阻住架!? > <

本來想搭蝦毛Mimi機, 點知9/6/14先有位, 唯有影下個counter啦!

真係要走喇!

(Masha哥哥係咪同一日返日本呢?! 後來先知佢去咗台南, 圓咗17年既夢, 當巨星想去個旅行都唔容易呢! 唉!)

美中不足嘅係, 連續幾日都係落雨、落雨又落雨, 玩得唔夠痛快!

小posters, 男神card, 台灣福友好有心思啊, 謝謝你們為Masha打氣的小禮物!

戰利品, 攞唔倒氣球同櫻花瓣呀! 好在之後有位香港福友姐姐俾咗幾塊我哋, 多謝哂, 實在無言感激!















台灣福友姐姐送既, 真係好正, 多謝哂!

台灣報紙, 上網睇得多, 今次有多報在手既實在感呢!

台灣先買到嘅TVBS週刊!

台灣場Rundown

精彩視頻

明珠台普通話娛樂新聞報導, 可以聽佢點"煲冬瓜" XD

https://m.youtube.com/watch?v=waGWpneRahw&feature=youtu.be

福山雅治第一次獻台灣 嗨翻小巨蛋 20140612完全娛樂

短短十分鐘, 已完全概括了福山超出色與精彩的歌影視歷程, 這個台灣視頻好捧啊!

http://m.youtube.com/watch?v=XaoyAdQQJ2M&feature=youtu.be

REDxBLUE

https://tw.celebrity.yahoo.com/video/月刊j-pop-福山雅治台北演唱會精華篇-redxblue-035036187.html

櫻坂
https://tw.celebrity.yahoo.com/video/月刊j-pop-福山雅治台北演唱會精華篇-櫻坂-035044110.html

vs.2013.～知覺與快樂的螺旋

https://tw.celebrity.yahoo.com/video/月刊j-pop-福山雅治台北演唱會精華篇-vs-知覺與快樂的螺旋-034617741.html

相關相片 ~ 福山雅治 WE'RE BROS. TOUR 2014 IN 台灣

https://www.facebook.com/media/set/?set=oa.10152298901226240&type=1

台灣評論一致激讚

教授也為「湯川教授」瘋狂

http://reswithoutnumbers.blogspot.tw/2014/06/blog-post_8.html?m=1

『我不是福山雅治的粉絲，但我卻為他站足了三個小時......』

『回家一邊腳抽筋，還一邊狂搜他的歌曲，有點進入「假性福粉」狀態。』
『身處在這群「福粉」中，我一直有種感覺，福山的粉絲很有教養，相當溫馨體貼，不特別吵鬧。』

對《Cherry》有獨到深層的剖析 ~ 『舞台上的焦點，舞台後的冷豔，描述的是福山鍾愛的吉他，但顯然也在描述他自己。發光發熱的背後，是冷靜而深刻的思維。』
一直以為只是講支結他(定係教授"諗多左?! XD, 不過Masha從來唔會好直接講首歌既背景, 成日要人估估下! 之前個個都估左係"工口"歌, 鬼叫佢填得咁露骨咩! XDDD) 

『WE’RE BROS. TOUR 2014 in 台灣』當地記者報導之整理介紹!

BY TVBS資深文字記者 張家齊

『這個人用幾乎已經很少見的無數手勢征服歌迷，每一秒鐘都有手勢，每句歌詞都有表情，甚至，因為觀眾環繞360度，他也時時刻刻照顧那全景環繞的觀眾群。』

『他演戲票房大賣、唱歌不僅是歌喉創作俱佳，而且他是日本有史以來銷售第一的男歌手，你看，他彈吉他可以強成這樣，還幫自己的吉他CHERRY寫了首歌。』

『福山先生的每一步，每個手勢；大電視的畫面裡每一個鏡頭、跳接和攝影角度節奏、舞台上每個人的每個動作、笑容；搭配每一個觀眾手上統一過的螢光棒顏色、從高處看每一張座位安排的位置美感；每一道燈光映射在每一個歌曲裡，甚至連色溫都隨著歌曲的溫度起伏。這一切的「每一個」，看起來都像是百萬次練習，以至於讓觀眾進入這個空間之後，心甘情願成為秀的一部分。』

『我覺得今晚一萬顆心被你感動了，你很棒。』

詳細內容: 請看12/6/14 那個post

https://www.facebook.com/fukuyamamasaharu.official

Masha的官方FB(pls click)也有轉貼呢! 而且翻譯成日文與英文讓日本及海外歌迷也能欣賞, 

證明他很重視與虛心接受各方的評價
他的座右銘是(大意): 『穗滿而垂立』, 果然所言非虛!

台灣之旅報告完畢, 小記Minibaby直擊報導, 多謝收睇!