(21/8/2009 - Friday)
第二日既行程緊密又豐富, 所以要break開兩日post, Minibaby 宜家又帶你地去片喇!! >>>>
去完海生館, 離開墾丁, 導遊姐姐話要考我地腳骨力, 帶我地去行山 >>> 佛光山
由墾丁到高雄約個半鐘車程, 喺旅遊巴嘆完冷氣, 落車就要同陽光玩遊戲
願望井 - 用3個coins掟中間個銅鐘3次, 願望便會成真; 我只掟左一次, 便決定將命運操縱在我手, 信自己, 便不再繼續掟下去
突然諗起"three coins in the fountain", 但池中又何止3個呢?!
BB和尚好CUTIE / 一片佛海
在大雄寶殿前, 很有大地在我腳下的氣勢 / 象徵過去, 現在, 將來的三個佛像
阿蟲話: "昨天已逝, 明日是迷, 面對今朝, 盡力而為"
大殿有成千上萬, 神態不同的小佛像, 莊嚴宏偉 / 包山?
原來係小金佛像山 / 為何這小和尚捧蛋? 一定是懶隋了
成個山頭都係佛像 / 呢個大金佛比大嶼山那個高好多呢, 我地好渺小噢
慘遭莫拉克蹂躪十人才可環抱的大樹, 被吹得連根拔起
大部份陸地被河水淹沒, 泥濘下可能仍有不少被活埋的死難者, 是從大後方災情最嚴重的小林村沖下來; 導遊姐姐一邊說著, 我們一邊看著聽著, 心裡涼了一截, 打了幾個冷顫
所謂入屋叫人, 入廟拜神, 身為基督徒的我, 也誠心的裝了一注香, 祈求上蒼保佑死難者早日安息, 傷者早日康復, 災民們盡快重建家園
願佛祖光照這個美麗的小島
註: 台灣原名"FORMOSA" - 美麗小島的意思
離開佛光山, 向六合夜市進發, 實行"掃街"大行動作我們的晚餐
烤鴨夾餅, 皮簿餡爆
土耳其雪糕, 聽說雪糕叔叔會雪糕把玩一番才交到顧客手中, 由於是晚吃得太飽, 無緣欣賞
鹽酥草菇 - 金黃酥皮包住鮮甜的草菇
臭豆腐, 伴酸菜食, 很有新鮮感 / 七里香 = 串燒雞PET PET, 旅遊節目總是重點推介, 但我覺得一般, 且太油膩, 膽固醇超高, 不宜多吃
担仔麵, 細細碗, 大口英食一定一啖見底
食左咁多熱氣野, 要揾苦瓜汁清清熱, 苦中帶甜, 初飲怪怪的, 越飲越好飲
晚上下榻大都會酒店, 睡至凌晨5時許, 突然感覺幾下強烈震動, 但沒理會便再進入夢鄉, 翌日醒來, 才得知屏東發生五點幾級地震, 幸好有驚無險, 沒有傷亡, 但現在想來仍猶有餘悸呢!
有地震都仲訓 ，真係唔識驚 .....